History
-
Kommunale praktiske opplæringskurs kom i stand frå 1936 i Odda kommune og heldt fram til 1940. Dette blei òg gjort over heile landet, initiert av det statlege Yrkesopplæringsrådet, men i Tyssedal hadde ein starta alt i 1935. Aktieselskapet Tyssefaldene sette i gang praktiske handverkskurs hausten 1935. Til dette bruka dei ledige verkstadlokale etter Legeringsverket i Tyssedal på nordsida av elva Tysso. Dette var praktiske kurs, men mange har omtalt det som "teknisk fagskole".
I Odda arbeidde ein kommunal komité frå 1936 for å oppretta opplæringskurs for arbeidsledig ungdom. Det kom i gang fire praktiske kurs, 1 sykurs for jenter og 3 dagkurs for gutar; snikkarfag, mekanikar- og elektrikarfag. Det melde seg 109 søkarar og berre 43 fekk plass. Undervisninga ved snikkar- og mekanikarkursa var lagt opp etter mønster frå handverkskursa i Tyssedal. Undervisninga gjekk over 8 månadar. Dette var altså ikkje ordinære liner med teori som gav fullt fagbrev, men praktiske kurs som kvalifiserte for arbeid og gav grunnlag for vidare skulegang og fagbrev.
Bedriftene og politikarane arbeidde saman for å få i gang fagutdanningar i Odda og Tyssedal. Odda Tekniske aftenskole starta opp alt i 1916 og bedriftene gav opplæring til sine ungdomar som dei hadde i arbeid. På 1920-talet var det mange ungdomar i Odda og Tyssedal og i periodar mange arbeidsledige. På 1930-talet var situasjonen lik. Det var viktig å gjera ungdomen skikka for arbeid og attraktiv for næringslivet, samstundes som bedriftene fekk tak i dei fagfolka dei trong.
Ved eit valmøte i Odda i 1928 var fagutdanning for ungdom eit aktuelt tema kan vi lesa i avisene, mellom anna i Bergens Arbeiderblad av 14. oktober. Avisa skriv at bedriftene i Odda og Tyssedal har eit stort behov for fagfolk og ein må importera frå andre kommunar eller frå utlandet i spesielle periodar med oppsett av nye anlegg / nye fabrikkar. Zinkfabrikken på Eitrheimsneset var under bygging på den tid. Utdanning sto difor på agendaen i Odda herreds arbeiderparti sitt kommuneprogram:
- "Opprettelse av organer der har den spesielle oppgave å dyktiggjøre ungdommen i konkurransen på arbeidsmarkedet bl. a. fagskole og liknende".
Og dei skreiv vidare at "det er ikke i noget så slett økonomi som i det at den unge arbeidskraft ikke får slippe til."Fotografering: 1936 - 1937
Eierskap
Classification
-
- Trearbeid (Outline)OU 322
Placement
License information
Metadata
- IdentifierI-00488
- Part of collectionKraftmuseet - Norsk vasskraft- og industristadmuseum
- Owner of collectionHordaland
- InstitutionKraftmuseet
- Date publishedMarch 18, 2014
- Date updatedOctober 19, 2023
- DIMU-CODE011012852450
- UUID9b435a60-0519-4797-8796-f8ff494877f6
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».