Traktor

Dette er ein sjeldan traktor og truleg blant dei første tohjulstraktorane. Frå 25.mars 1919 til 7.april 1920 blei det berre laga 300 SIMAR HP5.

I 1919 lova fabrikanten at på 10 timar kunne ein arbeide seg gjennom 50- 100 mål med denne jordfresaren. Ein kunne også få slåmaskin til traktoren, eller ein kunne bruka han som stasjonærmotor. Han kosta 5.000 franc og garantien vara i seks månadar.

Under første verdskrig var Lucien Pictet direktør i fabrikken som laga Pic-Pic bilar, samtidig etablerte han våpenfabrikken La Prècicion. Etter krigen la dei ned våpenproduksjonen, og to ingeniørar gjekk i gang med å designa små traktorar i dei tome fabrikkbygningane. Dei laga prototypen på «Bodenfräsen» etter Konrad von Meyenburg’s patent. I tillegg til ein traktor det var mogleg å gå bak, driven av ein MAG V-motor. Traktorane blei ikkje sett i produksjon, og prosjektet ruinerte nesten firmaet La Prècision. Både leiinga og namnet blei bytta ut. I 1919 kalla dei seg SIMAR SA.

SIMAR SA utvikla fleire tohjulstraktorar. A/S Eik & Hauskens Maskinforretning importerte nokre av dei til Norge.

Jærmuseet har fått traktoren frå Norsk teknisk Museum. Tidlegare eigar er ukjent.

Produksjon - Produsert: 1919 - 1920

Fotografering: February 3, 2015