Brosjyre

Evebøfoss fabrikker vart først starta opp ved Evebøfossen på Sandane. Her vart ett av dei første kraftverka i Sogn og Fjordane bygd av Anders Hansen (1855-1915). Kraftverket vart opna i 1909. Kraftverket var det første elektriske anlegget med overføringsline i Sogn og Fjordane. Vanlege husstandar på Sandane abbonerte på straum til lys.

Før kraftutbygginga var det ein shoddyfabrikk og ei mølle ved Evebøfossen. Anders Hansen kjøpte i 1906 både shoddyfabrikken og mølla saman med halve fallretten i Evebøfossen. Hansen heldt fram med shoddyfabrikk, men utvida stadig produksjonen.

Evebøfoss fabrikker starta som ullspinneri (1909/1910)og utvida etterkvart med veving og i 1947/8 med trikotasjefabrikk. Ull frå distriktet var heile tida råvara. Fabrikken vart lagt ned for godt på slutten av 1980-talet, men gjekk ut av Hansens-familien sit eige på 1970-talet.

I byrjinga låg fabrikken ved fossen og kraftstasjonen, men i 1924 vart fabrikken flytt til Elvaneset, eit stykkje frå Evebøfoss, men framleis på Sandane. På Elvaneset vart det bygd ein stor fabrikkbygning i tre i 1924. I 1947/48 vart det sett opp eit stort murbygg i tillegg til trebygningen. På 1990-talet vart fabrikkbygningane på Elvaneset rivne. Det var på det meste omlag 100 tilsette ved Evebøfoss Fabrikker.

Kleda Evebøfoss fabrikker produserte, som som vi ser nokre av i brosjyra, var populære.

Aksesjon - 1986

Bruk

Produksjon - 1974 (Står på brosjyra)