Problemfri vart ikkje drifta, reint økonomisk. Store kraftkundar som Nonåsgruvene og De Norske Saltverker på Gatland i Fotlandsvåg gjekk konkurs; det siste var eit kortvarig spekulasjonseventyr i åra 1918-23 som aldri vart røyndom: utdamping av 100 000 tonn koksalt årleg, frå sjøvatn, med elektrisk energi.
Teknisk kulturminne
Etter 75 års drift vart gamle Herlandsfoss kraftverk stansa i 1995. Eit nytt kraftverk, Nye Herlandsfossen kraftstasjon, bygd like bak den gamle, vart teke i bruk. I dag er den gamle bygningen rusta opp og gjort om til museum. Anlegget er eit høgt prioritert teknisk kulturminne.