Gamlevegen gjennom Frølandsdalen
Frå Tysse gjennom Frølandsdalen og vidare over Kvamskogen til Hardanger har det også vore ferdsle frå gammalt. I 1860 løyvde heradstyret pengar til bruer over elva ved Mørkhølen og ved Rossebotn nedanfor Storlid. Restar av den gamle vegen er enno synlege på austsida av elva mellom Frøland og Mørkhølen og ved Rossebotn.
Kjørevegen til Nordheimsund
Kjøreveg frå Tysse over Kvamskogen var ferdig til Norheimsund i 1906. Vegen opna og for turistferdsle. Særleg i 1920-åra var det stor trafikk av engelske og hollandske turistskip på Samnangerfjorden. Passasjerane vart sette i land på Tysse og fekk hesteskyss over Kvamskogen til Norheimsund, der båtane henta dei att.
2 comments
Rolf Schau, February 17, 2015
Ivar E. Stav, February 8, 2016