Ved Kvernhusskjæret bygde Nils ei borkekvern. Kverna knuste borken som trongst til garving av huder og skinn. To stemmer (demningar) i Hopabekken sørgde for stabil vasstilgang til kverna. Garveriet til Nils låg der ferjekaien på Breistein no er.
Fleire generasjoner med garvarar
Soneson hans, med same namn, starta garveri i Alversund kring 1860. Elles fekk Nils Torsen fleire etterfølgjarar på Breistein. Nils H. Breistein etablerte såleis garveri i 1870 og broren, Johan H. Breistein, i 1892. Desse verksemdene låg også der ferjekaien er i dag. Begge brørne hadde søner, som dreiv garveria vidare. I 1936 flytta ein av desse, Harald Breistein, verksemda si til ein ny fabrikkbygning ved vegen på søre del av Breistein. Arbeidsstokken her var oppe i kring 50 mann på det meste. Fabrikken blei nedlagt i 1985.