6 menn står på trappa til Stortinget. Helge Nils. Thune, lagtingspresident, stortingsmann, lensmann og gardbruker står til høyre i bildet. De andre er stortingskolleger av Thune.
Helge Nilsson Thune var fødd på garden Midtre Tune (36/1) i Vang, var lensmann, gardbrukar, stortingsmann og lagtingspresident. Ugift, budde i lag med syster si.
Thune var student i 1884 og tok graden cand.jur i 1893. Frå 1891 til 1926 var han gardbrukar og lensmann i Vang. Åstads- og forlikskommisær, kasserar for Valdresbanen, medlem av heradsstyret i 1896-1899 og 1902-1911.
Thune representerte Valdres krins og Frisinna Venstre på Stortinget i perioden 1910-1912. Medlem av justiskomiteen, valkomiteen og reguleringskomiteen. Frå 1922 til 1930 representerte han Bondepartiet og Oppland på Stortinget. I 1922-1924 var Thune nestformann i justiskomiteen, 1925-1927 medlem og i 1928 nestformann i skog- og vassdragskomiteen. President i Lagtinget frå 1927-1930.
Helge Thune døydde i 1950 og vart gravlagd i Vang.
Subject6 menn står på trappa til Stortinget. Helge Nils. Thune, lagtingspresident, stortingsmann, lensmann og gardbruker står til høyre i bildet. De andre er stortingskolleger av Thune.
Valdres Folkemuseum vart stifta i den nasjonale rusen omkring hundreårsskiftet, 10. mars 1901. Det var den utflytte valdrisen Nils K. Ødegaard som tok til orde for at Valdres måtte få eit offentleg museum. Bak stiftinga låg ideen om kva styrkt medvit om fortida kunne få å seie for framtida åt folk i Valdres.
I 1905 kjøpte museet Handeloftet frå garden Hande i Vestre Slidre. I mai 1906 vart Valdreshaugen (ei tre mål stor tomt) kjøpt frå Nes gard. Her kom Handeloftet opp. I 1917 selde museet Valdreshaugen og kjøpte 18,5 mål ute på Storøya. Sidan har dette vore tilhaldsstad for Valdres Folkemuseum.
Heim for 100 bygningar og anlegg
Valdres Folkemuseum er eit av dei største friluftsmusea i Noreg. Det er 100 hus og anlegg innanfor skigarden på museet. Mellomalderloftet frå Uppigard Høve er det eldste (frå før 1350) ikkje-kyrkjelege trehuset i Valdres i dag og vart oppsett på museet i 1946-1947. Museet har eit flott stølsområde. Her står stølshus frå 1700-talet og Tvengestølen frå 1948. Denne stølen vart oppsett på museet i 1998.
Samlingane på Valdres Folkemuseum teller 25 000 gjenstandar. Her er landets eldste lokale folkemusikkarkiv med over 12 000 enkeltspor med musikk og song. Museet sitt fotoarkiv teller 75 000 bilete. Opplandsarkivet har ei avdeling her med om lag 600 ulike papirarkiv. Valdres Folkemuseum har eit studiesenter og ein instrumentverkstad med produksjon av langeleikar, hardingfeler og strenger. Valdres Folkemuseum er eigd av dei seks Valdres-kommunane.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».