To kvinner og ein mann er avbilda med ein bil. Mannen står ved siden av og helg begge hendane på hoftene medan dei to kvinnene sit nede på sida av bilen. Kvinne heilt til venstre i ...
To kvinner og ein mann er avbilda med ein bil. Mannen står ved siden av og helg begge hendane på hoftene medan dei to kvinnene sit nede på sida av bilen. Kvinne heilt til venstre i biletet har eit barn på fanget. Ho er ikledd ein kvit hatt og ungen har også på seg ein kvit lue og skjerf. Kvinna til høgre har på seg ei nettinglue med ein svart jakke og lyst skjørt til. Mannen er ikledd dress med kvit skjorte og slips. Han har ein lys hatt på hovudet og han røyker på ein sigar.
I 1920 vart det oppsett hus på tuftene etter gamletunet på garden Islandsmoen. Veslestabburet og Smettbakbua skulle danne utgangspunktet for det som seinare vart heitande Bagn Bygdesamling. Dei fyrste åra var dette eit privat gardsmuseum, der både hus og gjenstandar hadde tilknyting til folka på Islandsmoen. Etterkvart kom det til fleire gjenstandar frå andre stader i bygda, så då samlinga i 1939 vart gjeve til bygda var namnevalet naturleg.
Museet har i dag 16 hus med gardstun frå Islandsmoen, telthus frå Vangen på Bagn, og forpaktarbustad frå prestegarden i Bagn. Ei oppgangssag, bekkekvern, skogskoie, badstugu og stabbur står ved Islandselva. Sør for Islandselva fins ein naturstig med skogen som tema. Ei krigsminneutstilling i samband med krigshandlingane i Valdres 1940 er sett opp inne i administrasjonsbygningen. Opplandsarkivet har ei avdeling på museet med gamle arkiv frå lokale lag og foreiningar. Ei fotosamling på omlag 3500 bilete er òg oppbevara her. Bagn Bygdesamling ligg ved E-16, fem kilometer sør for Bagn sentrum i Sør-Aurdal kommune.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».