Seljestadhuset var det største huset i ei rekkje på tre hus nord på Almerket, med Tolleivstova på nordsida av seg, Torestova på austsida. Lars Seljestad kjøpte huset av Helge Jordal som reiste til Amerika i 1921. Tolleivstova hadde arrestlokale i kjellaren, med jerngitter for vindauga. Oppe var det husvære for ein familie. Torestova vart seld av Øystein Håra til Brynjulf Hjørnevik i 1924, som budde der med kona og fire born fram til 1946 då han flytta til Årdalstangen. Kona vart verande i huset til 1951, då dottera Constanse overtok huset. Husa på Almerket vart rivne i 1972, Torestova brann ned eit par veker før. Kjelder: Olav Ohm i OIMM nr. 6, Jan Gravdal som budde i Torestova.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».