"Sjurstølen", gamlestølen i Gjerdevika i Ølensvåg, ca. 1890. 1. rekkje framme, frå venstre: Halvard Gjerdevik, Elias Gjerdevik, Ingeborg Gjerdevik, Britha Gjerdevik (gift med Sjur;...

Skildring frå fotokort (uoversiktleg):

"Gamlestølen i Gjerdevik.

Til hest Steffen Gjerdevik og Johs. Styvo bror til Marta og Brita, vidare til Høgre: Johs. Gjerdevik bror til Steffen, Torger Gjerdevik halvbror til Steffen, Johs. Gjerdevik halvbror til Steffen, liten gut bak: Ole Gjerdevik halvbror til Steffen, Ingeborg Gjerdevik dotter til Johs. S. Gjerdevik, Guro kona til Johs. Gjerdevik, Lovisa dotter til Johs. Gjerdevik, Astrid Gjerdevik søster til Steffen, Ole bror til Steffen, Alise mor til dei ovanfor nemde, Martha dotter til Alise, Marta Styvo dotter til Johs. Gjerdevik, Brita Myro halvsøster til Steffen,

Framme til h: Sjur Gamlestølen og kona Britha syskenbarn til Johs. Gjerdevik, mellom dei sonen Lars, vidare mot venstre: Ingeborg dotter, Elias og Halvard søner."

---------------

Originalbiletet er eit gammalt fotografi, lånt frå ei privat samling og avfotografert av Endre Heggen i 1985. Endre Heggen var lokalhistorikar og sogelagsmann i Ølen. Han var fødd i Stavanger 5. august 1920, men flytta til Ølen i 1935. Far hans kom opphaveleg frå garden Heggjo i Ølen.

I vaksen alder byrja Endre Heggen å fatte interesse for kulturminne og kulturvern. Det starta med interessa for bygningskultur. Sidan tok han òg til med å samle inn gjenstandar frå Ølen og Bjoa. Frå midten av 80-talet gjekk han systematisk til verks med å intervjue og samle inn bilete frå folk i nærområda, og opparbeidde seg etterkvart ei vesentleg samling av både lydopptak og kopiar av gamle bilete. Samlinga vart sidan gjeven til Vindafjord kommune og er no del av Haugalandmuseet sine samlingar.

Fotografering: 1890

Produksjon: 1985