aboutBalloptikon (lysbileteframsynar) nytta i undervisninga på Sogndal Folkehøgskule. Dør på sida, linse i forkant. Påsett sylinder med linse. Plass under til bok så ein kunne syne bilete og tekst frå boksider. Elektrisk lampe, men hadde tidlegare parafinlampe.
I 1874 vart teologen Henrik Mohn Dahl lærar ved Sogndal Folkehøgskule. Han kom frå ein velståande bergensfamilie og hadde nyleg fått ein stor arv. Dette sette han i 1875 i stand til å byggja ei ny skulestove til skulen: Helgheimsstova (DHS.564). Helgheimsstova står i dag på De Heibergske Samlinger - Sogn Folkemuseum. Systera til Mohn Dahl, Mette Dahl, var saman med broren med på å finansierte mykje av inventaret til Helgheimsstova, til drift av folkehøgskulen.
Mette Dahl var språkkyndig og svært interessert i europeisk kultur, i tillegg til å vera ei kvinnesakskvinne. I tillegg til å undervise ved folkehøgskulen budde ho også i periodar i København, Paris, Berlin og Roma. Ho snakka fleire språk (fransk, tysk, engelsk) og såg det som ei viktig oppgåve å formidle europeisk historie og kulturhistorie til elevane ved Helgheim. Balloptikonet hadde difor ei viktig rolle i undervisninga til Mette Dahl for å syne bilete frå sine reiser i Europa.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».