Frå Martin Sælid sin katalog:
"Tomling (Skjenkebeger) av klokkemetal, den er 4,7 x 2,6 cm bolleforma med fire inndreia render nede på sida og to oppe ved kanten og på feltet i midten er fint inngravert blad og blomster motiv og plass for navn og årstal. Navn er ikkje inngrave, men årstalet 1796. Eg har fott han på Rogndokken 79/...
Frå Martin Sælid sin katalog:
"Tomling (Skjenkebeger) av klokkemetal, den er 4,7 x 2,6 cm bolleforma med fire inndreia render nede på sida og to oppe ved kanten og på feltet i midten er fint inngravert blad og blomster motiv og plass for navn og årstal. Navn er ikkje inngrave, men årstalet 1796. Eg har fott han på Rogndokken 79/2 (Jensegarden) i 1909 og sovidt eg har kunna funne ut er han laga av sylvsmed og spelemann Torstein Torsteinson Røyne i Ø Slidre, han var fødd 1765 død 1830"
Martin Sælid (1899-1978) reiste på kryss og tvers i Valdres og kjøpte gamle gjenstandar. Han samla på alt som var gammalt, som våpen, myntar, sølv, spenner, knappar, bollar, kister, auser, bøker, kle og skinngjenstandar. Martin førde nøye oversikt over alle gamle gjenstandar han eigde, og han var oppteken av å få med namn på tidlegare eigarar og andre historier knytt til gjenstandane. Han teikna skisser og skreiv sirleg inn opplysingane i bøker.
Sælid var engasjert i drifta ved Valdres Folkemuseum. Han var m.a. styremedlem i 30 år, aktivt med å sette opp mange av dei antikvariske husa, og han lærde opp nye omvisarar om somrane. Han fekk museets gullmedalje for denne innsatsen.
I 2012 gav familien store delar av gjenstandssamlinga Martin Sælid etterlot seg til Valdres Folkemuseum. Til saman består gåva med stort og smått av bortimot fire hundre gjenstandar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».