Tøfler, eit par

About the object

• aboutFôret er litt laust, og den eine sålen har sprukke litt. Overdelen er sydd saman av to stykke, er stiva opp med papp, og kledd innvendig med filt. Det fremste stykket endar i ei tunge på vrista, og langs overkanten er det eit band. Sålen er festa med sting rundt kanten.
• DesignationTøfler, eit par
• IdentifierIAAM-0135
• Indexing termIvar Aasen sine gjenstandar
• Type Thing

• Dimensions value
  • Bredde11.0 cm
  • Lengde31.0 cm

• MaterialsFilt Papp Tøy Pels

• Other information

  Ivar Aasen nemner kjøp av tøfler eller filtsko fleire stader i dagbøkene.

  9.1.1857: "Kjøbt Filtsko, Nattrøie &c."

  8.7.1864: "Et par Tøfler, 1 dl"

  7.2.1865: "Nye Filtsko 1 dl 114 s"

  23.12.1867: ""Nye Filtsko. Frosset meget"

  14.6.1871: "Et Par Tøfler 1 dl, 60."

  8.12.1876: "Et Par Filtsko"

  6.8.1877: "Kjøbt et Par Tøfler"

  27.12.1878: "Filtsko"

  31.10.1879: "Nye Filtsko"

  23.10.1885: "Frost. Filtsko: 2 kr"

  1.3.1886: "Nye Filtsko"

  28.3.1891: "Et Par Filtsko"

  20.10.1892: "Et Par Filtsko 3,50"

  21.12.1892: "Filtsko 2,50"

  Tøflene hans vart altså skifta ut ofte, og dette paret må vel vera eit av dei to para han kjøpte i 1892.

  Anders Hovden nemner òg tøflene til Aasen ved eit høve:

  "Korleis stend det med deg med pengar?"

  Alltid same svaret. "Eg hev ikkje noko pengar."

  Og då tok denne reikingi hans til over golvet - kor eg ser det for meg enno!

  Han drog seg seint og smått burt til pengeskuffa.

  Toflone var for store og lekta, hosehælene var orslitne, so nakne hælen blenkte gjenom - å de norske gjentor, aldri skal eg tilgje dykk desse ubøtte hosehælane hans Ivar Aasen!" (AH: Ivar Aasen i kvardagslaget 1996, s. 39). Dette må ha vore tidleg på 1880-talet.

  Walton er inne på at Aasen hadde store føter, med utgangspunkt i skopar og tøfler i samlinga våre, og teikninga til Uthuslien, som mellom anna er brukt saman med nekrologen på framsida av Dagbladet. Han nemner i forbifarten at Hovden rett nok har skrive at tøflene til Aasen var for store. Dei snakkar høgst truleg om to ulike par tøfler - dei tøflene Aasen hadde på seg då han gav pengar til Hovden kan ikkje vera dei tøflene me har i samlinga i dag.

  Expand text Collapse text