Part of exhibition
History
-
-
Hanomag R 12 kom i 1953. Ein liten og lett traktor, kjenneteikna med dei to polstra seta som gav god komfort for føraren. Han fekk tilnamnet Ackermoped (Åkermoped) på grunn av lyden som var lys og støyande. I 1954 gjorde dei nokre endringar og lyden blei betre. Året etter fekk motorhuset ei rundare form. Dette eksemplaret er frå 1955, og må vera eit av dei siste med kantete form på motorhuset. Traktoren blei produsert i om lag 8800 eksemplar til 1957.
Firmaet Hanomag blei grunnlagd allereie i 1835. Det laga dampmaskinar, motorplogar og beltetraktorar. I 1923 kom traktoren R 26 WD som var svært lik Fordson F. I 1931 RD 36 med ein dieselmotor som var robust, billeg å bruka og driftssikker. Den økonomiske krisa tok nesten knekken på selskapet i 1932, men året etter kom dei med Lokomotivet på åkeren. Ein modell med dieselmotor som ytte 50 hk, og som det var mogleg å få med luftfylte dekk.
Under andre verdskrigen laga dei krigsutstyr, og allierte bomber påførde fabrikken store skadar. Med modellen R25 kom traktorproduksjonen i gang igjen for fullt på slutten av 1940-talet.
Jærmuseet fekk denne traktoren av Lars Årsland i Time. Den lette vekta, dei to setene og styret plassert godt til eine sida, gjorde traktoren eigna til arbeid i grønsakåkrane. Ein person kunne styra traktoren, medan sidemannen styrde reiskapane.
-
Produksjon - 1955 (nr. 2206752)
- Produsent Hannoversche Maschinenbau AG( Hanomag) sikker
- Production place Tyskland Hannover sikker
-
Relation
Classification
-
- Jordbruk i sin alminnelighet OU 241
- Landbruksmaskiner OU 407
License information
- License Contact owner for more information
Metadata
- Identifier JÆG1989.09
- Part of collection Jærmuseet
- Owner of collection Jærmuseet
- Institution Jærmuseet
- Date published June 5, 2015
- Date updated November 30, 2018
- DIMU-CODE 021025875886
- UUID cd00fc7f-207b-43c1-b729-426fbccfde0a
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».