Bilde

Fra Bø-soga:
"Hans Kleppen er fyrst og fremst kjent som skihoppar. Frå midten av 1920-åra til krigsutbrotet var han ein av dei fremste skihopparane våre. I 1926 starta han for fyrste gong i Holmenkollen som junior, og var med der i 15 år, siste gongen i 1946. Damenes pokal for beste hoppar fekk han i 1928, 1931 og 1937. Før 1943 hadde dei store nasjonale renna bare kombinert klasse, og Hans Kleppen gjorde det best også i løypa. Han tok såleis i 1928 Kongepokalen ved landsrennet i Morgedal, og slo sjølvaste Johan Grøttumsbråten. Han var i desse åra med i ei mengd renn innanlands, der han hevda seg særs godt i hoppbakken. Han var såleis beste hoppar ved hovudlandsrennet på Kongsberg i 1929 og blei Noregsmeister i spesielt hopprenn i Porsgrunn i 1934. Hans Kleppen representerte fleire gonger Norge i utlandet, og var utteken til 2 olympiadar, i 1928 i St. Moritz og i 1932 i Lake Placid. Han var med i internasjonalt renn i Klosters i Sveits i 1928 der han blei nr. 2, og i eit internasjonalt renn i Zakopane i Polen (VM) i 1929, der han fekk 3. premie i spesielt hopprenn. Som senior blei han uoffisiell Noregsmeister 4 gonger. Hans Kleppen var med på overgangen til storhoppbakkane, og hadde sitt lengste hopp i Narekollen på 90 m".

Aksesjon: February 20, 2009