Nothøvelen vert nytta til å høvle not (spor), til dømes i panel og golvbord som har not og fjør. Høvelen er stillbar og ein kan såleis høvle med ulik avstand frå kanten av emnet.
Høvelstålet er nedfelt i høvelstokken og halde fast med ein kile. Vinkelrett gjennom stokken er det også felt ein jarndel med horisontal jarnplate ...
Nothøvelen vert nytta til å høvle not (spor), til dømes i panel og golvbord som har not og fjør. Høvelen er stillbar og ein kan såleis høvle med ulik avstand frå kanten av emnet.
Høvelstålet er nedfelt i høvelstokken og halde fast med ein kile. Vinkelrett gjennom stokken er det også felt ein jarndel med horisontal jarnplate til å regulere djupna. Den kan stillast som ein ynskjer med ein vengemutter. Breidda kan regulerast ved eit trestykke som kan festast i ønskt posisjon langs to gjenga trestykke, tappa gjennom ved hjelp av to "tremutterar" på den eine sida, og to profilerte treknottar på den andre. Det eine gjenga trestykket manglar dekorativ toppkule. I flukt med høvelstålet er ein fast jarnkant til å føre høvelen langs.
Vi kjenner ikkje alder og opphav til høvelen. Den kan vera frå andre haldel av 1800-talet, eller første del av 1900-talet. Den har truleg vore mest brukt av Ola Henjesand, men også truleg av sonen hans, Svein Henjesand. Høvelen ligg no i deira båtbygggjarverkstad i Eidet i Sogndal. Den har neppe vore brukt i båtbygginga.
Verkstaden, med alt innbu tilhøyrer no De Heibergske Samlinger - Sogn Folkemuseum.
Aksesjon: January 1, 2000 - December 31, 2000
(Henjesand døydde i 2000, og museet overtok eigedomsrett.)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».