Ingebjørg Mælandsmo (1898–1981) var forfattar og lærer. Fleire av romanane hennar har religiøst innhald og tematiserer spenningar mellom kyrkje og lekfolk, fleire med historiske rammer. Sjølv stod ho i ein grundtvigiansk tradisjon, og arbeidde i over 30 år ved den frilynde Romerike folkehøgskule. For «Og flommen kom!» vann ho i 1939 ein pris for den beste romanen med kristent grunnsyn. Utdelinga av prisen skapte debatt rundt kristen skjønnlitteratur. Hovudverket hennar er ein fembands romanserie om tradisjonssamlaren Olea Crøger, som kom ut mellom 1956 og 1970. Mælandsmo skreiv på både nynorsk og på bokmål med dialektinnslag.