• Plakat for Dei nynorske festspela i 2007. Dei nynorske festspela er den fremste festivalen som feirar nynorsk skriftkultur og dialektane. Festivalen vert arrangert årleg i Ørsta / Volda. Temaet i 2007 var "Sjølvtillit". Komitéleiar May-Helen Molvær Grimstad hadde opningstalen, medan det var opningskonsert med Astrid Kloster og musikarar. Festspeldiktar dette året var Erna Osland, og det var tre festspelkunstnarar; Akin Düzakin, Inger Lise Belsvik og Marvin Halleraker. Ola Jonsmoen heldt stemnetale, medan Ole Danbolt Mjøs hadde preike. Det var minneforedrag av Gunvor Risa med temaet "Undring og utforsking mellom Løland og Osland". Kyrkjekonserten "Dei nye feiringssalmane" var i Volda kyrkje, og det var også konsert med Kor og Arve Henriksen. Nytt av året var innslaget "All verdas språk på 60 minutt". Nynorsk kultursentrum var arrangør for arrangementet. På plakaten dette året er der eit stort fotografi av Odd Nordstoga med gitar. Plakaten er signert av Erna Osland, og den er i glas og ramme.

Kjelde:
https://www.allkunne.no/framside/tema-nynorsk/institusjonar-organisasjonar-med-meir/dei-nynorske-festspela/29/860/ (Lesedato: 13.08.2020)
    Photo: Almedal, Henry / Nynorsk kultursentrum (Opphavsrett)

Dei nynorske festspela [Plakat for Dei nynorske festspela 2007]

Add a comment or suggest edits

To publish a public comment on the object, select «Leave a comment». To send an inquiry directly to the museum, select «Send an inquiry».

Leave a comment or send an inquiry

Order this image

Share to