Part of exhibition
History
-
Frå skiltet på bygningen på Valdres Folkemuseum (2012):
"Sel frå stølen til Øvre Fristadplassen, gnr. 57, Øydgarden i Vestre Slidre. Bygd ikring 1750. Stølen var i bruk fram til 1935, og nedlagd i 1940-åra. Selet vart oppsett på Valdres Folkemuseum i 1954. Øydgardsstølen var hauststøl for Øvre Fristadplassen. Her er det både sel, mjølkebu og fjøs under same tak. Opphavleg har selet truleg vore åresel, og det har framleis jordgolv."
Frå Knut Hermundstads handskrevne Husbok for Valdres Folkemuseum (1950-talet):
"Fristadplass-heimstølen på Øydgardo. Øydgard heimstølen var heimstøl til Øvre Fristadplassen. Han var fullt i bruk til 1935, men vart nedlagt etter siste heimskrigen. Stølen var både vår- og hauststøl. Den siste som brukte stølen var Ola Fristadplassen. Då Øvre Fristadplassen vart nedlagt som plass 1947, fall alle husi under garden Frigstad g. nr. 57, br. nr. 1 i V. Slidre. Sonen på garden Frigstad fekk plassen og dermed husi, Han selde alle husi heime til V.F. for kr. 1.000,- i 1951. Så ga han Øydgardsstølen attpå. Husi vart køyrde ned til vegen med dugnad, som Samson Bakken fekk til. V.S. herad kosta køyringi til museet. Byggemeister Ola Haugland tok på seg oppattsetjingi på museet. Huset var reist att i Ulvedalen i 1955. Stølen sto i jordesgarden. Og det var sel, bu og fjøs i eitt hus. Inngangen til sjølve selet er i raustenden til fjøset frå eine langsida. Selet står no over Fristadplassen på museet, fremst i Ulvedalen, til venstre, når ein går bortover. Det var ikkje bord i selet. Stølsfolket åt på den breie benken, med to fjøler jomsides, som gjekk frå tverrvegg til tverrvegg. Mjølki sette dei på mjølkebuhyllene og tok av rjomen når så langt lei. Rjomen bar dei ned på plassen og kinna der. På stølen ysta dei og kokte brim. På slutten sat dei på Øydgarden ein månad om hausten. Arbeidet med flytting oppsetting av Fristadplasselet med fjøs kosta kr. 1.200,-, Ola M. Haugland gjorde dette i 1955."
Frå arkitekt MNAL K. Sukkes "Byggeskikkane i Valdres", Valdres Bygdebok V del 2 (1964):
Eksempel på 2-delt sel med fjøs: "Fristadplass-selet frå hauststølen Øydgarden, som nå står på Valdres Folkemuseum, er eit slikt stølshus. Selet ligg i eine enden med mjølkebu i midten og fjøset i andre enden. Selet har inngang i gavlen med seng i fyrste kråa til venstre og benk til høgre langs langveggen. Frå selet går dør inn til bua. Bua har glugg. Selet har jordgolv, åsetak med troved, skillevegg mellom sel og bu er av halvklovningar, som står vertikalt og er festa i not oppe og nede, plugga fast med trepluggar. Det er mogeleg selet har hatt åre enda om selet har åsetak. Dette ser ut til å ha vore vanleg (j.f. Svartfjellbua som er omtala før [også ved Valdres Folkemuseum]. Nå er det peis. Selet har 2 små glas. Fjøset har flate klovningar i skantilet. Mot skantilet ligg ein rund stokk mot veggen. Fjøset har inngangsdør på langveggen og gjødselluke i gavlveggen. Novet er hesthovudnov eller kanskje heller rutenov. Stølshuset er truleg frå ikring 1750. (...)"
Jørgen Frigstad vart gjort til æresmedlem av Valdres Folkemuseum i 1956 fordi han ga selet til museet.
ENGLISH:
Mountain hut from Øydgard mountain farm: Mountain hut from Upper Fristad, Vestre Slidre, built around 1750. The mountain dairy farm was in use until 1935, shut down in the 1940s and rebuilt at the museum in 1954. The living quarters, storage for milk, and cowhouse are all under one roof. The hut was originally an open-hearth room with a smoke hole in the roof, and still has a dirt floor.
FRANÇAIS:
Mountain hut from Øydgard mountain farm: Mountain hut from Upper Fristad, Vestre Slidre, built around 1750. The mountain dairy farm was in use until 1935, shut down in the 1940s and rebuilt at the museum in 1954. The living quarters, storage for milk, and cowhouse are all under one roof. The hut was originally an open-hearth room with a smoke hole in the roof, and still has a dirt floor.
Oppføring: 1750
Gjenoppføring: 1955
Aksesjon: 1953
- Giver/siste eierFrigstad, Jørgen
Relation
Classification
-
- Bygninger (Outline)OU 340
Placement
References
-
- LitteraturreferanseK. Sukkes "Byggeskikkane i Valdres", Valdres Bygdebok V del 2
License information
- License Contact owner for more information
Metadata
- IdentifierVFF.074
- Part of collectionValdres Folkemuseum
- Owner of collectionValdresmusea
- InstitutionValdres Folkemuseum
- Date publishedNovember 27, 2015
- Date updatedJanuary 5, 2022
- DIMU-CODE021056021475
- UUID8d85564d-ec9f-4c05-9a11-186237a7e526
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».