"Sætastova"
Iflg. Jacob Aaland var denne stova ei av dei største og gildaste stovehus i Nordfjord.
Folket på Ola-bruket nytta huset til stove fram til 1834, då bygde dei seg ei ny røykstove. Då vart denne (gamle) stova kalla masstove og nytta til dette formålet: Dei budde i masstova om sommaren. Huset vart også brukt av alle på Sæten til å koke i ved bryllaup, gravøl og gjestebod. Sjølv når dette var om sommaren, flytte ikkje husets folk ut av stova under dette. Den siste gongen stova vart nytta på denne måten var i eit bryllaup i 1892.
Det var også gamal skikk at lodølane tok inn her når dei skulle i bryllup eller gravøl. Mat hadde dei med seg, og der tok dei ei matskvild før dei reiste vidare. Med den nye vegen i 1878 slutta den daglege ferdsla gjennom Sætatunet.
Flytt til nytt tun ved utskiftinga, utan skot og kove.
Sist vart huset nytta til smie.
(informant Synnøve Sæten (f.1879), oppvaksen på garden)
Merker tyder på at stova opphaveleg var lågare. Det har vorte lagt inn omfar av nye stokkar, og der vart bygd skot på begge langsidene. Om dei ikkje vr opphavelege, hadde dei nok vore der ei stund - då dei reiv skota i 1896 var stoveveggane "kvite".
Det var ikkje glas opphaveleg, berre gluggar på veggane. Det er uvisst når det vart sett i glas. Kan vere ved den siste store reperasjonen av stova i 1812. Då skulle det haldast bryllaup for dottera på garden, og stova vart sett i stand. NB! I festskrift til opninga av museet skiv L.Søreide at det opphaveleg berre var eit glas. Ved glaset til venstre (sett innanfrå) syner ei beitski at glaset må ha vore 71 cm høgt. Noverande glas er 110b x 90h.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».