TRENATROHPAT - JALGESÁIDI
Sihke Trønderbataljovnnas ja Álttábataljovnnas ledje trenatrohpat ja dain ledje heasttat maiguin fiervrrededje dávviriid go manne Jalgesáiddi badjel:
- Trønderbataljuvnnas 86 heastta
- Álttábataljuvnnas 112 heastta
Go Álttábataljuvdna manai Jalgesáiddi badjel cuoŋománu 24.-27. beivviid 1940s, de lei trenatrohpa gohtten dán guvlui. Jalgesáiddis lei ollu muohta. Doppe goivo sii johkalegiide/gorssaide muohtastálljaid heasttaide. Cuoŋománu 29. beaivvi bohte Værnes-girdišilljus vuolgán duiskka girdit ja bombejedje trenatrohpaid. Muohtastálljat gahčče ja heasttat mait eai deaivvahallon hávke muohttat vuollái. Ii oktage soalddát duššan. Muhto Jalgesáiddi lulábealde Rivttat-orddas, gos Álttábataljovnna váldoveahka lei, duššai okta soalddát ja okta fas roasmmahuvai go duiskalaččat bombejedje doppege. Soalddát guhte goddui lei sállanlaš Alfon Paul Gamst.