Trønderbataljonen - RIEVTTAK GUOLBBA

RIEVTTAK GUOLBBA

Ovdalaš juovllaid 1939s gohčohalle 1000 Nordmøre ja Lulli-Trøndelága soalddáha ráfisuodjalus-vákšumii Norgga-Ruošša rájá ala. Sullii 750 soalddáha jovde daváš ja dat šadde I/R 12 vuollái. Sii jovde Čáhcesullui  ođđajagimánu 15. beaivvi 1940 ja vákšo Suoma/Ruošša-rájá gitta cuoŋománu 9. beaivvi rádjái. Doppe sáddejuvvojedje Lulli-Romsii, gos šadde 6. brigáda vuollásažžan. Trønderbataljovdna joavddai Vuotnasiidii cuoŋománu 17. Beaivvi ja 643 soalddáha vulge Loabágii ja Jalgesáiddi bajás cuoŋománu 23. beaivvi. Sii jovde Darfedáhkkái cuoŋománu 24. beaivvi iđida, ja major Bøckman hovdii sin. Dálkki dihte sii njurde vulos Moan-dáluide Rivttat vuotnamohkkái. Duiskka veagat, maid major Stautner hovdii, geassádedje Bokčavuomi Bassedievás Rivttagii ja ovttastuvvo eará duiskka veagaiguin. Árrat iđit cuoŋománu 25. beaivvi fallehedje 3-400 duiskka soalddáha Trønderbataljovnna njamažahká, ja dat sohte olles beaivvi. Dán falleheamis goddojedje 35 norgga soalddáha, 61 roasmmahuvve ja 174 soalddáha váldojedje fáŋgan. Duiskalaš dieđihedje alddineaset 7 soalddáha gahččan ja 14 roasmmahuvvan. Ii oktage siivila olmmoš hávváduvvan dahje duššan giččuid vuolde. Trønderbataljovdna geassádii Jalgesáiddi badjel Loabágii gos de orgáneserjuvvui ođđasit.