History
-
Huset låg ved Røldalsvegen inntil det blei erstatta av Handelshuset som blei bygt på tomta i 1914. Fotograf Johan von der Fehr (i Norheimsund) dreiv fotoforretning i Odda i sommarhalvåret og fekk skøyte på eigedomen i 1903, medan dottera Charlotte Rebecca von der Fehr Edelsteen var fotograf saman med ei syster. Charlotte overtok fullt etter at faren døydde i 1906 og dreiv fotofirma og "kortevareforretning" heile året, så langt vi har kunna spora. Det finst mange visittkort med firmanamnet "C. von der Fehr Edelsteen".
I folketellingen for 1910 er "landhandler og fotograf" "Charlotte Rebekka von der Fehr Edelsten" registrert buande her (Bustetun) saman med dei tre barna sine. Truleg er det dei vi ser framfor huset her: Jenta Ruby (1902-1991) og gutane Carl Johan (1898-1911) og Haakon (1900-1991).På veggen ved inngangsdøra er det sett opp eit monter med glasdør som kanskje innehald utstilte foto eller postkort.
Firmaet heitte truleg "Søstrene von der Fehr" ein periode før Charlotte tok over aleine. Mange tok portrett og fekk laga visittkort her.Brødrene Gulbransen kjøpte eigedomen (ca 1913, ikkje sjekka i arkiv), reiv huset, fekk bergensarkitekten Olaf Jahnsen til å teikna det om, og sette det opp i jugendstil på Knausen, Kleivavegen 4. Dei bygde Handelshuset, ferdig i 1914, på tomta etter von der Fehr Edelsteen-huset. "Edelstenhuset" var bruk 23 under garden Bustetun. Salm Salmson Skare fekk bygt huset ein gong på 1890-talet i følgje bygdeboka (Kolltveit). Han flytta til USA og overlet huset til sonen i 1899. I 1903 reiste sonen òg til Amerika og selde eigedomen til fotograf Johan von der Fehr som budde i Norheimsund.
Fotografering: 1904 (Dersom det er Edelsteen-barna vi ser framfor huset, er dei født i 1898 (gutt), 1900 (gutt) og 1902 (jente). Følgande melding på digitaltmuseum: Hei, Jeg har fått dette tilsendt av Mette Bleken. Antakelig er de tre barna utenfor huset min mor, Ruby, 1902-1991, og onklene Carl Johan, 1898-1911, og Haakon, 1900-1991. Fint at fotoet er bevart! Siri Lill vdF Thowsen, 9. mars 2021 Lite svart støv på huset tyder på at det er tatt før Oddafabrikkane kom i drift.)
Eierskap
Classification
References
-
- Foto-nummerI-H0248 Viser huset slik det blei sett opp på Knausen etter flytting
License information
Metadata
- IdentifierI-02256
- Part of collectionKraftmuseet - Norsk vasskraft- og industristadmuseum
- Owner of collectionHordaland
- InstitutionKraftmuseet
- Date publishedMarch 18, 2014
- Date updatedSeptember 29, 2023
- DIMU-CODE011012856643
- UUID4ed8b448-b913-45f2-be8a-364bc908ebe4
- Tags
1 comment
Hei,
Jeg har fått dette tilsendt av Mette Bleken.
Antakelig er de tre barna utenfor huset min mor, Ruby, 1902-1991, og onklene Carl Johan, 1898-1911, og Haakon, 1900-1991.
Fint at fotoet er bevart!
Siri Lill vdF Thowsen, March 9, 2021
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».