Huset med manufaktur og bakeri på gatehjørna, var tidlegare Odda Kreditbank, som overtok annekset etter Hotel Hardanger, som i si tid hadde vore Agas Hotel. Då banken gjekk i likv ...
Huset med manufaktur og bakeri på gatehjørna, var tidlegare Odda Kreditbank, som overtok annekset etter Hotel Hardanger, som i si tid hadde vore Agas Hotel. Då banken gjekk i likvidasjon i 1931, blei bygget kjøpt av Christian Gulbrandsen som gjorde det om til fleire leilegheiter og butikk-lokale. Inn her kom Rita sitt bakeri, som skulle gje huset namnet Ritabygget. Bygget vart rive i 1978, og Espelandshuset vart bygd i staden. I dag er det ein sportsbutikk her.
Bankhjørna vart på folkemunne kalla "Det glade hjørna", då dette var ein fast samlingsplass der folk stod og skravla og skratta til langt på natt. Banken måtte halda ope for kundane då dampbåten kom, anten det var middag eller midnatt. Då Tyssedalsvegen vart opna, blei krysset ved bankhjørna døypt om til "det farlege hjørna", då bilar kom susande ned Røldals-vegen (i dag gågata) og ofta kolliderte med bilar som kom frå Tyssedal.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».