Kjoleliv av heimevove, rutete ull-lerret. Renning av to-tråds heimespunne brunt ullgarn og ein-tråds rosa ull-garn. Innslag av ein-tråds grønt, svart, lilla og raudt ullgarn. Ein rapport er 12,4 cm høg. Livet har bakovertrekte side- og skuldersaumar samt panelsaumar på ryggen som nesten møtast i livet midt bak. Livet er fora med... Kjoleliv av heimevove, rutete ull-lerret. Renning av to-tråds heimespunne brunt ullgarn og ein-tråds rosa ull-garn. Innslag av ein-tråds grønt, svart, lilla og raudt ullgarn. Ein rapport er 12,4 cm høg. Livet har bakovertrekte side- og skuldersaumar samt panelsaumar på ryggen som nesten møtast i livet midt bak. Livet er fora med ubleika bomullslerret der ryggen er klypt heil. Foret ligg med i side- og skuldersaum. Desse saumane er sydde med attersting med ubleika lintråd, alle saummonn er kasta saman med kvit lintråd. Det er eit innsnitt på kvart av framstykka og merke etter eit til, det er oppspretta ned til livet. I panelsaumane i ryggen er det sydd prikkesting gjennom alle lag samt ein kanal (for spile?) frå livet og halvveges opp på ryggen. Framme er livet lukka heilt opp med skjulte hekter, 11 stk. Krokane sit noko innpå høgre framstykke, og hempene er sydde fast mellom framkanten på venstre side og ein smal underligger. Rund halsringing som er kanta med ei smal skråklypt lengde av rutatøyet som synner som ein liten tittekant på retta, falda til på innsida. Nederst midt framme går livet noko ned i spiss, nedkanten har og ein smal tittekant. Den er spretta frå livet bak på ryggen, her har mest truleg stakken vore sydd fast, medanlivet framme har vore laust over stakkelinninga. Ermane er spretta ut. Heile livet er handsydd med kvit og ubleika lintråd.
Sekundær, Påskrift (Påtråkla papirlapp på høgre side.): "Gamalt liv av kjole etter Marit Hovrud født Fodnes 1842. Kanskje er dette av konfirmasjonskjolen hennar som ho vov sjølv"
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».