Forkle.
Handsydd. Hovudstoffet er svart, blank og litt stiv ulldamask. Særs stor mønsterrapport.
Sydd saman med to stoffhøgder. Høgre høgd har jare i høgre side og sårkant i venstre.
Venstre høgd har sårkant i høgre og smal fald i venstre, sydd ned med små faldesting med brun lintråd, og partivis det som ser ut til å vere mørkeblått ullgarn.
Sårkantane er bretta inn, og stoffhøgdene er lagde rette mot rette, og sydde saman med små forsting gjennom alle fire lag. I nedre kanten er forkleet skøytt på lengda. Det er jarekant på forleningsstykket. Hovudstykket ser ut til å vere bretta inn og sydd ned på forleningsstykket med faldesting. Saumrommet er bretta opp, og sydd ned med små prikkesting. Skøytinga er dekt over med skoning på vranga og silkeband på retta, og er såleis godt skjult.
1,4-2,3 cm brei linning av same ulldamask som forkleet, klypt på langs av stoffet, med jarekant.
Vrangsydd til overkanten og bretta over. Jarekanten er sydd ned med små faldesting på vranga. Endene er bretta inn, og sydd saman med kastesting.
Faldelagt inn til 40 cm breidd med 7 faldar på kvar side, som er lagde inn mot eit 11 cm breidt glatt midtstykke.
12,5-16 cm høg skoning av mørkeblå, nokså tynn og fast kypertvoven vadmål.
Skøytt saman av tre stykke som er samansydde med kastesting. Avansert 5,7 cm høg sylvknipling med vifter og gallerslag, sydd ned med kvit lintråd på ei 6,5 cm høg remse raudt ullklede. Sårkanten på ullkledet er dekt over med krokar i blått ullgarn (handsydd sikk-sakk).
5,2 cm breidt silkeband med blomar i rosa og raude sjatteringar, knoppar i ljos og mørk grønt og blad i gult, oransje og raudt på svart botn. Langs kanten små knoppar i rosa, raudt, gult, oransje og grønt. Bandet er sydd ned med små prikkesting med gul silketråd på kledesremsa, kant-i-kant med kniplingen. Kortenden er stukne inn under kniplingen.
Stinga går her og der tvers gjennom skoningen og festar såleis denne. 0,5 cm brei rulorkant av raudt ullklede, sydd ned med små prikkesting med kvit lintråd på vranga.
Den raude kledesremsa, kniplingen og ruloren er lagde i vinkel i hjørna, og går oppover sidekantane, målt frå nedre kanten.
Forkleet er i særs god stand, og ser knapt ut til å vere bruka.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».