Born på veg inn ein kyrkjeportal, - stilisert steinkyrkje, på framsida
About the object
about
Fana er laga av mellomblå rayonsilke og er brodert i kunstsaum, - eitt kort og eitt langt sting. På framsida er teksten "Borna for Kristus" brodert oppe og "Odda Sundagsskule" brodert nede. I midten eit motiv med born på veg inn ein kyrkjeportal. På baksida er årstala 1909 - 1949 brodert. Blå toppsnor, gule frynser i underkant o... Fana er laga av mellomblå rayonsilke og er brodert i kunstsaum, - eitt kort og eitt langt sting. På framsida er teksten "Borna for Kristus" brodert oppe og "Odda Sundagsskule" brodert nede. I midten eit motiv med born på veg inn ein kyrkjeportal. På baksida er årstala 1909 - 1949 brodert. Blå toppsnor, gule frynser i underkant og gule sidesnorer med duskar.
Odda Sundagsskule vart starta i 1909 og i 1949 var det 40 års jubileum. Albert Skår var primus motor for å få fane til sundagsskulen i Odda. Han fekk støtte frå sine vener og fekk tinga fana frå eit firma i Stavanger som hadde spesialisert seg på faner. Skår fortalde at fana vart dyr, men dei faste venene svikta ikkje og støtta opp. Fana var ny i 1949. Etter 2. verdskrigen (1945) var det stor aktivitet i lag og organisasjonar og mange skaffa seg faner som dei gjekk under 17. mai og på stemne.
Fana har vore oppbevart på Odda Bedehus og har vore bruka på turar, stemne og (foreldre)samlingar, men er lite kjend i ”bybildet” i Odda. At ho ikkje vart bruka på 17. mai, kom mellom anna av at det ikkje skulle oppstå konflikter med Odda Folkeskule, fortel Harald Fykse. (Informantar: Torbjørg og Harald Fykse.)
Fana vart henta fram til utstillinga "Når Han styrer båten", Norsk Vasskraft- og Industristadmuseum si utstilling om søndagsskulane i Odda og Tyssedal, eit samarbeid med lokale organisasjonar og Bergen Søndagsskulekrets. Utstillinga var på Odda Soknehus i 2003. Utstillinga var også vist på ei søndagsskulesamling på Karmøy same år.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».