Photo:
Albertsen, Ragnar H.
/
Nynorsk kultursentrum
(Opphavsrett)
Photo:
Albertsen, Ragnar H.
/
Nynorsk kultursentrum
(Opphavsrett)
Photo:
Albertsen, Ragnar H.
/
Nynorsk kultursentrum
(Opphavsrett)
Medalje, æresmedalje i øskje
About the object
about
Medalje i øskje. Sløyfa er blå. Inskripsjonane er så godt som identiske med inskripsjonane på IAAM-25, og det er nærliggjande å tru at Aasen har fått desse to ved same høve. Sjå Utf oppl.
Berre øskja er merka.
Ivar Aasen fekk denne medalja for tenester i litteratur og kunst ("litteris et artibus" frå kong Carl 15., konge av Sverige og Noreg. Han var regent 1859-72. I dagboka for 9.6.1871 skriv Ivar Aasen "Besøg af Sekretær Holst med en Medaille". Holst var kammerherre.
Aasen fekk også andre utmerkingar. 19. juli 1873 vart han innlemma i St.Olavs-ordenen, då han fekk han Riddar-krossen av Sanct Olavs orden. (Same dagen vart Oscar II kruna i Trondheim.) Grunngjevinga var "for litterair fortjeneste". Frå dagboka: 2.8.1873: "Tilsendt et Ordenstegn". 16.8.1873: "Olafsordenens Statuter &c". Sjølve medalja vert sendt attende til slottet når prisvinnaren døyr - dette gjeld ikkje sløyfa. I skifteprotokollen står at "Afdødes St. Olafs orden samt medlajen Pro literis et artibus - den sidste i stort og lite format - overleveres pastor Belsheim ind til videre." Johannes Belsheim (1829-1909) hadde hatt nær kontakt med Aasen sidan 1855, og administrerte buet på vegner av arvingane. Belsheim sat hjå Aasen då han døydde.
I skifteprotokollen er bokført: "2 guldmedaljer, værdsatte af en guldsmed, den større til 62,00 den minste til 8,00. Tilsammen kr. 70,00."
Sjå Stephen Walton: Ivar Aasens kropp (1996), s. 608. (Og eventuelt Anders Hovden: Ivar Aasen i kvardagslaget (1996), s.29, sjølv om Walton viser at Hovden rotar saman nokre datoar her.)
Aksesjon: December 5, 1896 - December 12, 1896
(Grepstad, Ottar (2008): "Ivar Aasen-tunet gjennom 200 år. Minnebok 30. april 2008")
Aasen-familien mottok gjenstandane etter Aasen i denne perioden. I brev frå Jon R. Aasen til Johannes Belsheim: "Aasens bøker og bokhave er no komne til Volden. Me hev køyrt hit i Aasen 3 las, men minst 2 las er att. Alt var vist i god behold - 25 colli."
Aksesjon: July 15, 1941
(Kontrakt mellom Sunnmøre Museum, Aasen-arvingane og Ørsta-kommune datert 15.7.1941)
Ivar Aasen-samlinga blir overført til Sunnmøre Museum, men føresetnaden er at samlinga skal haldast i Ivar Aasen-museet i Åsen, Hovdebygda
Fotografering: January 1, 1997 - December 31, 1997
(Engeset, Jens Kåre (2004): "Glimt frå soga til Ivar Aasen-museet 1897-2000")
John Aage Gjestrum fotograferte gjenstandane i Ivar Aasen-samlinga og utarbeidde ein gjenstandskatalog med informasjon om gjenstandane. Jens Kåre Engeset hjelpte til med informasjon om gjenstandane.
Fotograf ved Fylkesfotoarkviet, Ragnar H. Albertsen, tok nye og gode gjenstandsbilete av heile samlinga. Nokre bilete vart tekne tidlegare, i samband med boka "viljen til språk" (Grepstad, 2006).
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».