Traktor

Dette er den største av B.M.B traktorane, og ein sjeldan traktor. Motoren er den same som i Morris Minor. B.M.B står for British Motor Boat.

Presidenten eigna seg som grønsaktraktor. Her er kopla på ei potetsetjemaskin, på jærsk «Eplesetjar», frå Kyllingstad Plogfabrikk A/S bak på traktoren. Det er eit sete på kvar side av maskina. Her sit dei som matar potetene inn på beltet. Beltet fører potetene ned i røyret, og dei fell på plass i jorda. Dei to belta blir drivne av gummihjulet under setet på venstre side av maskina.

Jærmuseet fekk traktoren av Søren M. Østrått, som hadde brukt han i rad-reinskinga. Det hydrauliske løftet var ekstrautstyr. Med eit enkelt grep kan ein flytta det etter behov. Det kan vera bak på traktoren eller midt under. Det er også mogleg å justera avstanden mellom hjula både framme og bak. Handtaket midt på rattet er gasspaken.

Produksjonsnummer: 295410

Produksjon: 1950 - 1960 (ca. 1955)

Eierskap