Todelt dress i mørk blå bomullsdenim. Storleik 48 (båe delene). Glidelås i metall framme i jakke, knepping med metallknappar i buksegylf. To brystlommer på jakka, to stikklommer i buksa. Innside av bukselinning i tynt nylonstoff (?). Buksa har produsentmerket laminert fast i høgre lomme og jakka har tilsvarande på innsida bak hø...
Todelt dress i mørk blå bomullsdenim. Storleik 48 (båe delene). Glidelås i metall framme i jakke, knepping med metallknappar i buksegylf. To brystlommer på jakka, to stikklommer i buksa. Innside av bukselinning i tynt nylonstoff (?). Buksa har produsentmerket laminert fast i høgre lomme og jakka har tilsvarande på innsida bak høgre brystlomme. Vaskeanvisning 60 gr.
Buksa har fleire større og mindre hol, særleg nede på venstre buksebein, - både framme og bak. Om desse er forårsaka av varme eller syre er ikkje kartlagt, men fargen tyder på høg varme. Det er ikkje gjort forsøk på reparasjon av hola. Stoffet er ikkje flammehemma.
Arbeidsklede frå aluminiumsfabrikken "Nitriden". I følgje rapporten Nitriden i Tyssedal, side 53, blei "blåkleda" vaska kvar veke i vaskeriet i porten på DNN. Fägerborg 1988. Folk i arbeidsklede er avbilda i rapporten, t.d. på side 80-83 og i museet si fotosamling.
Denne arbeidsdressen, "halsklut" og vernesko blei sendt frå Tyssedal/Odda i ein kartong til Norsk Teknisk Museum ved direktør Lindtveit etter nedlegginga av DNN Aluminium / Nitriden i Tyssedal då drifta vart avslutta og fabrikken riven i 1981. Lindtveit oppbevarte dette utan å la det gå inn i NTM si samling og returnerte det til museet i Tyssedal når høvet baud seg: dvs når det var oppretta eit industristadmuseum. Han hadde gjenstandane med seg då han var i Tyssedal på ein museumskonferanse.
Produksjon: 1975 - 1981
(antatt ut frå logo og materiale i linning)
Pionér var eit varemerke brukt av konfeksjonsfabrikken til Jonas Øglænd A/S. Firmaet Øglænd Pionér A/S var oppretta ved årsskiftet 1986/87. Øglænd Pionér A.s (konfeksjonsfabrikken) hadde salgsselskap i Sverige og Storbritannia på markedene for yrkesbekledning. (Kjelde: Jærmuseet årbok 2005.)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».