aboutLafta bygning i ein etasje med loft, på tørrmur av naturstein.Sperretak med ljore. Torvtekka saltak, med ei lita ark. Rekonstruert røykomn. Opprinneleg bygd som treroms-hus, seinare vart det bygd til eit vedskot med inngang frå utdøra, og ein skjå eller svalgang langsetter baksida av huset. Interiøra er umåla.
Huset vart oppført av Anders Kristensen Sorte på garden Svorta g.nr 31, bnr 3 i Ørskog kommune i 1753. Sonen Kristen budde i Kristenstova til han døydde i 1811. Den neste som budde i huset var Ole Kristensen Sorte, 1781 - 1864. Han var lærar i heile Sykkylven samtidig som han var gardbrukar på Svorta. Kona hans var Guri Larsdatter Strømme 1781 - 1851.
Etter desse kom Kristen Marius O Sorte 1814 - 1883 og kona anne Helene Amundsdotter Skodje, 1817 - 1894. Kristen var den andre ordføraren i Skodje, og bygdas rikaste mann. Sonen Ole K. 1840 - 1888 var gift med Birgitte Korsen 1843 - 1893. Ole sette nye og større glas i Kristenstova, og bordkledte huset. han budde her i 15 år til 1880, då han bygde nytt våningshus. Kristenstova vart no brukt som arbeidshus på garden.
Kristen Olsen Sorte f. 1876, og kona ingeleiv Langseth f. 1873, selde huset til lensmann Johan Daae på Solnør. Daae kjøpte huset fordi han meinte det var viktig å ta vare på. Tankane var at det skulle nyttast som kommunelokale. I 1912 - 13 vart huset flytta til Skodje, med tanke om at det skulle tene som museum for bygda. Det vart og samla mykje gjenstandar til huset. Etter at Sunnmøre Museum kom i gang i 1931 vart huset flytta til Borgundgavlen og reist her i 1934.
Anders Kristensen Sorte oppførte huset med vedskot og svalgang. Døra til vedskotet er det spor etter i gangen, og frå kova var det dør ut til svalgangen. Ark frå loftsromet kom truleg til seinare.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».