History
-
Frå gammalt av har mest alle bønder på Vestlandet drive fiske når gytefisk som torsk og sild kom under land. Mange dreiv òg fiske mellom onnene vår og haust, om dei slapp frå gardsarbeidet.
På Sunnmøre var det særleg torskefisket som var viktig. På åttringane var det gjerne sju mann i arbeid. Dei reiste ut tidleg om morgonen, og kom inn om kvelden. Vintersdag var det ikkje mogeleg å sove om bord i opne båtar. Heller ikkje kunne fjordkarane reise heim kvar kveld frå fiskefeltet – dei laut skaffe seg husvære ute ved kysten. Slikt husvære ordna dei ved å ta inn hjå folk ute på øyane, eller ved å bygge seg eit hus – ei rorbu. Desse husværa kalla øyværingane «fjordmannstover» etter folket som åtte dei. Eigarane sjølv kalla dei fiskestover eller brakker.
Fjordmannstova på Sunnmøre museum vart kalla Ulvestadbrakka. Den vart oppsett i Fosnavåg i 1868 av Lars E. Ulvestad og Rasmus R. Feden frå Dalsfjord i Volda. Dei førte kvar sin åttring og trong hus til mannskap og vegn. Dei kjøpte ei gammal røykstove i Romsdalen, bygde på eit rom i kvar ende og ei sval langsetter huset. Loftet gjorde dei høgare, slik at det vart høveleg til soverom. Det vart oppsett to gruer, ei i kjellaren til trankoking og ei i vestrommet, som vart kjøkken.
Dei første åra vart grua i kjøkkenet nytta til matlaging, seinare fekk dei kokeomn i midtrommet. Midtrommet var opphaldsrommet for dei to båtlaga. Her stod matbordet med delestrek tvers over. Her var òg sengeplass til kokka og to mann. Dei andre tolv hadde soveplass i sengekarmane på loftet. Enderomma er oppsett i stavverk. Dei vart nytta til å sette frå seg nistekista, sjøskrina, skjyrholkar og til fiskevegn.
Fjordmannstovene og dei opne fiskebåtane høyrde saman. Då dekksbåten kom, med lugar og motor, var tida for rorbuene over.Oppføring: 1868
Tømmerbygninga er ei gamal røykstove frå Romsdalen, påbygd med eitt rom i kvar ende og ei sval langsetter huset. Loftet vart då heva, slik at det vart høveleg til soverom for fiskarlaga.- ProdusentUlvestad, Lars Eriksonsikker
- ProdusentFeden, Rasmus Rasmussensikker
- BruksstedMøre og Romsdal Herøy MR Fosnavågsikker
Aksesjon: 1938
Gjenoppføring: 1941 - 1942 (Årsmelding for Sunnmøre Museum 1941-42)
Relation
Classification
-
- Kystfiske (Outline - Fiske)OU 226.5
License information
- License Contact owner for more information
Metadata
- IdentifierSM.013
- Part of collectionSunnmøre museum
- Owner of collectionStiftinga Viti
- InstitutionSunnmøre Museum
- Date publishedJune 28, 2024
- Date updatedJune 29, 2024
- DIMU-CODE0210514561923
- UUIDde08d1b2-0b98-4e48-aa81-53f68d15b076
- Tags
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».