about "Veslekari" ( I ) var bygd i tre med isklasse for ferdsel i arktiske områder. Skuten hadde utkikstønne i formasten, så skipperen lettere kunne dirigere skuten gjennom isen derfra.
D/S "Veslekari" var bygd av tre av Chr. Jensen skipsbyggeri, Asker, i 1918. Skuta var 125,1 fot lang, 27 fot brei og 14,2 fot djup, 282,86 bruttotonn og 154,26 nettotonn. "Veslekari" fekk innsett ei tostegs dampmaskin på 290 hk. produsert ved Skiens Verksteder A/S, Skien. I 1949 ble dampmaskina byttet ut med ein 600 hk. Crossleymotor. Litt seinare (etter 1952) fekk skuta nye dekkshus, og vart no målt til 310,26 bruttotonn og 103,90 nettotonn. M/S "Veslekari" ble i 1961 nedskrudd av isen ved New Foundland og forliste. Båtmodellen som står på Ishavsmuseet er bygd av Leiv Korshamn. Modellen vart påbegynt i 1952. Material var sveisetråd til spant, og mjølkeboksar, pølsespann og tinn til skroget. Overbygget er ikkje heilt som det var den gong, det er litt seinare blitt litt modernisert. Leiv var maskinist på "Veslekari". Seinare skiftet han skute, til "Polarbjørn", og seinare til "Melshorn". Modellen tok han med seg ombord i "Melshorn", der han i 1957 datt ned og vart noko øydelagd. Særlig gikk dette ut over gelender og galgedekk. Sidan har han brakt modellen med seg som "vrak", først til Sørumsand i 27 år, og sidan 12 år i Spangereid, Lindesnes. Så endelig etter 47 år er modellen fullført. Det er nok mange detaljer som ikkje er heilt som originalen, men alle båtar forandra seg med tida. Eg vonar at den kan vere til eit minne om ein båt som har vore med på litt av kvart. Spangereid, 30.08.1999. Leiv Korshamn, sign.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».