Biletet er teke av Albert Fotland (1888-1975). Fotland var ein ivrig amatørfotograf frå Osterøy. Han tok bilete av alt frå natur og landskap til hus, heim og interiør. Han tok også bilete frå arbeids-, familie- og kvardagsliv, samd portrettfoto, til bilete frå større arrangement, fest- og høgtidsdagar.
Albert Fotland (1888-1975) vaks opp på Løtveit på Osterøy, og hadde i heile sitt liv ei sterk tilknyting til øya. Fotland vart ein av dei mange som fekk interesse for fotografering som ung, og skaffa seg eige fotoapparat i ei tid dei færraste tok seg råd til noko slikt. Både interessa og kunnskapen heldt han ved like heile livet, og han vart etter kvart ein dyktig amatørfotograf som tok bilete av alt frå private samankomstar, til inventar i hus og heim, og ikkje minst av naturlandskapet på øya.
Fotland lærte å fotografere medan han gjekk i skomakarlære i Bergen. Han hadde god kontakt med fotograf Løtvedt som reiste mykje frå Bergen og inn til Osterfjorden for å fotografere. Etter at Fotland overtok heimegarden dreiv han som skomakar, og han hadde også noko arbeid på Herlandsfoss Kommunale Kraftverk der han vart fast maskinist frå 1928. Fotograferinga var hobbyen som han dyrka på fritida, også i krigsåra då han vart sett til å fotografere ein del av Osterøy si befolkning over 15 år til grensebuarbevis.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».