Buesofa. Sofa med flyttbare delar.
Produsert av K. Emdal & Co.
Karl Emdal var odelsgut frå Emdal på Stranda. For å spe på inntekta tok han seg arbeid på korgmøbelfabrikken til P. ...
Buesofa. Sofa med flyttbare delar.
Produsert av K. Emdal & Co.
Karl Emdal var odelsgut frå Emdal på Stranda. For å spe på inntekta tok han seg arbeid på korgmøbelfabrikken til P. I. Langlo. I 1929 vart han verksmeister ved A/S Sykkylven Kurvvarefabrikk, der han lærde opp andre i korgmakaryrket. Etter kvart byrja han som møbelfabrikant sjølv. Møblane frå Emdal & Co vart godt mottekne og det gav grunnlag for ekspansjon i 1930-åra. I 1938 hadde verksemda 30 tilsette. I 1958 byrja Emdal familien møbelfabrikk på Årnes. I 1966 oppretta dei òg ei avdeling for møbelproduksjon i Allingsås ved Gøteborg. Med alle underavdelingane hadde Karl Emdal og Ola Emdal i 1968 ansvaret for 130 arbeidstakarar. Møbelframstillinga vart trappa heilt ned etter ein brann i 1971. Seinare har bedrifta produsert madrasser under namnet Emco- Møbler A/S.
Veneforeininga for Norsk Møbelfaglig Senter tok initiativ til å sikre fotoarkivet etter fotograf P.P.Lyshol, som hadde sitt virke i Sykkylven frå 1930-åra. Den vart kjøpt opp av Veneforeininga og gitt til Norsk Møbelfaglig Senter som no er juridisk eigar.