Langeleik laga av Øystein Ø. Rudi (1839-1923), Øystre Slidre.
Konstruksjonen er ein typisk Rudi-modell. Dette er ein moderne konstruksjon der delene, som lok, botn, sargar, hovud og endekloss, er limde saman. Lok og botn er symmetrisk utbula, men loket er litt breiare enn botn, slik at sidene vert skråstilte. Det er eit hovud i...
Langeleik laga av Øystein Ø. Rudi (1839-1923), Øystre Slidre.
Konstruksjonen er ein typisk Rudi-modell. Dette er ein moderne konstruksjon der delene, som lok, botn, sargar, hovud og endekloss, er limde saman. Lok og botn er symmetrisk utbula, men loket er litt breiare enn botn, slik at sidene vert skråstilte. Det er eit hovud i eine enden, med stillepinnar til alle åtte strengene. Dei tre bakarste strengene er avkorta gjennom augeskruar som er skrudd ned i loket, og lyfta opp att med pyramidar. Under fyrste strengen er det ei noterad med 18 notar i ein heiltone dur-skala. Den eine noten er laus, men det er spor i lakken etter kvar den har stått. Under andre strengen har det vore ei rad med 12 halvtone-notar. 7 av dei står på leiken i dag, dei andre 5 er det spor etter i lakken. Dette gir til saman ein full kromatisk skala. Leiken er dekorert med lydhol i loket og akantus-utskjeringar på sidene og på hovudet. Den skal vere beisa og lakka av Olav Snortheim. (Kværne og Aksdal s. 287)
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».