Frå Martin Sælid sin handskrivne katalog:
"Galapinne, nål til setja i hempeknappa med. Det var skinnreim som vart nytta. Nåli vart stukken gjennom tøiet frå innsida, enden på reimi blir tredd inn i auga på nåli, og nåli blir dregen attended med reimenden, so blir knappen sett inn på reimi og nåli (galapinnen) bli på nytt stukken...
Frå Martin Sælid sin handskrivne katalog:
"Galapinne, nål til setja i hempeknappa med. Det var skinnreim som vart nytta. Nåli vart stukken gjennom tøiet frå innsida, enden på reimi blir tredd inn i auga på nåli, og nåli blir dregen attended med reimenden, so blir knappen sett inn på reimi og nåli (galapinnen) bli på nytt stukken gjenom tøiet og den andre enden av reimi blir dregen gjennom og so blir endane knytt saman eller sauma fast på innsida. Nåli kjøpte eg på auksjon etter Gudbrand Røn på Leira i 1943. Nåli er av reinshorntagg og er 12,5 cm lang."
Martin Sælid (1899-1978) reiste på kryss og tvers i Valdres og kjøpte gamle gjenstandar. Han samla på alt som var gammalt, som våpen, myntar, sølv, spenner, knappar, bollar, kister, auser, bøker, kle og skinngjenstandar. Martin førde nøye oversikt over alle gamle gjenstandar han eigde, og han var oppteken av å få med namn på tidlegare eigarar og andre historier knytt til gjenstandane. Han teikna skisser og skreiv sirleg inn opplysingane i bøker.
Sælid var engasjert i drifta ved Valdres Folkemuseum. Han var m.a. styremedlem i 30 år, aktivt med å sette opp mange av dei antikvariske husa, og han lærde opp nye omvisarar om somrane. Han fekk museets gullmedalje for denne innsatsen.
I 2012 gav familien store delar av gjenstandssamlinga Martin Sælid etterlot seg til Valdres Folkemuseum. Til saman består gåva med stort og smått av bortimot fire hundre gjenstandar.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».