Fane i burgunder raudt ulltøy, lagt dobbelt. Teksten på fana er måla på med gullfarge. Dei andre motiva (bladkransen og hendene) er også måla på tøyet. Kanten i øvre- og nedrekant er påsett gullfarga frynse-bord. Langs sidene er det gullsnor med duskar. På baksida er teksten også måla på med gullfarge.
Opphengt i øvre i kanten ...
Fane i burgunder raudt ulltøy, lagt dobbelt. Teksten på fana er måla på med gullfarge. Dei andre motiva (bladkransen og hendene) er også måla på tøyet. Kanten i øvre- og nedrekant er påsett gullfarga frynse-bord. Langs sidene er det gullsnor med duskar. På baksida er teksten også måla på med gullfarge.
Opphengt i øvre i kanten med ei gullmåla trestang med dreia kuler i kvar ende. Denne er tredd inn i ein løpgang. Krok i metall midt på stanga.
Valdres Vegarbeiderklubb vart stifta laurdag 17. november 1934 under namnet "Valdres Vegarbeiderforening". I protokollen les vi følgjande:
"Lørdag 17. november 1934 avholdtes møte på Fagernes for dannelse og konstituering av en vei- og vedlikeholdsforening. Fra Vestoppland Fagl. Distriktsorganisasjon møtte formannen Sigurd Evang og fra det statlige styre for veiarbeiderne i Oppland møtte formannen Ole Nordvik. Det var møtt fram ni vei- og vedlikeholdsarbeidere."
Møtet beslutta å stifte "Valdres Vegarbeiderforening" og Kristian Engen vart vald til lagets fyrste formann. Det var stor møteaktivitet i dei påfølgande åra.
Den 12. desember 1937 meldte seg spørsmålet om å skaffe laget ei fane. Til å innhente forslag på pris og utforming vart Olav Halvardsen og Olav Strand valde.
Fram til april 1938 er ikkje fana nemnt. Til ein planlagt fest på Folkvang den 2. april 1938 heiter det at det var ynske om at fana skulle vere klar til framvising denne kvelden. Om dette skjedde veit vi ikkje, og vi finn heller ikkje noko meir skriftleg om fana før årsmeldinga frå 8. januar 1939. Her står fana oppført som aktiva med kr. 135,10.
Seinare har fana vore brukt til store arrangement som 1. mai-feiringa i Valdres, ei tid også i borgartoget 17. mai på Fagernes, og i andre samanhengar.
Fana har vore i bruk i alle 1. mai-markeringar fram til årtusenskiftet. På grunn av slitasje vart det bestet at ein skulle vere forsiktig med utvida bruk. Fana vart likevel tatt fram under Landsmøtet i Haugesund i 2003 og under landsmøtet i 2015.
Add a comment or suggest edits
To publish a public comment on the object, select «Leave a comment». To send an inquiry directly to the museum, select «Send an inquiry».